होऊ दे आठवणीही माझ्या धूसर

मित्रांच्या गराड्यात असुनही
जेव्हा मी एकटा पडतो ,
तुझ्या आठवणीत जीव माझा
कठोर वेदनेने तड्फडतो

वेदनाही अशा ज्याला
कसल्याच वेदनेची तोड नाही
तुझ्या सोबतच्या क्षणांना
कुठल्याच सुखाची जोड़ नाही

तुझ्या सोबत घालवलेला प्रत्येक क्षण
मी प्राणपणाने जपला आहे
तू कशीही वागलीस माझ्याशी तरीही
याच क्षणांणमध्ये माझा आत्मा गुंतला आहे

तुला जसे जमेल तसे नाते तू जप
नाहीच जमले तर सगलच विसर
जिथे तुला ओढच ना राहीली माझी
तिथे होऊ दे आठवणीही माझ्या धूसर