तू , अगदी जवळची,
हवीहवीशी वाटणारी ,
तू, वटवृक्ष जशी,
मायेची सावली दाटणारी ..१
तू , कधी पर्जन्य वृष्टी ,
प्रेमाचा वर्षाव करणारी ,
तू, कधी अथांग सृष्टी ,
मला सामवुन धरणारी..२
तू कधी मायेची लेक,
हळूच कुशीत रडणारी ,
तू, कधी मंद झुळुक,
हळूच हृदय छेडणारी..३
तू कधी माझी छाया,
मजसोबत सतत चालणारी ,
तू, कधी माझी स्मृती ,
सतत माझ्याशी बोलणारी..४
तू कधी माझी हाक,
कानात सतत गूंजणारी ,
तू, कधी माझी धाप ,
जीवावर हक्क सांगणारी..५
तू कधी माझी दृष्टी,
फ़क्त तुलाच पाहणारी,
तू, कधी सरीता जशी ,
दिनरात मजसाठी वाहणारी..६
